«Заманауи денсаулық сақтауды дамытудағы фармация» І Халықаралық конференциясы

10 желтоқсан Нұр Сұлтан қаласында «Заманауи денсаулық сақтауды дамытудағы фармация» І Халықаралық конференциясы өтті.

Конференцияда Парламент Мәжілісі депутаттарының, Қазақстан Республикасы Денсаулық сақтау министрлігінің, Қазақстан Республикасы Денсаулық сақтау министрлігі Тауарлар мен қызметтердің сапасы мен қауіпсіздігі комитетінің және Қазақстан азаматтарын дәрі-дәрмекпен қамтамасыз етуге жауапты бірқатар ұйымдар мен департаменттердің, сондай-ақ фармацевтикалық өндірушілер мен фармацевтикалық қауымдастықтың өкілдері жиналды.

Барлық мүдделі тараптар бірқатар мәселелерді талқылады, олардың ішінде медициналық көмек пен әлеуметтік сақтандырудың кепілдендірілген көлемі жүйесінде Қазақстан халқын дәрі-дәрмекпен қамтамасыз ету, фармацевтикалық компаниялармен мемлекеттік-жеке өзара іс-қимыл, дәрі-дәрмектерді этикалық жылжыту, дәрі-дәрмектер мен медициналық мақсаттағы бұйымдарды мемлекеттік тіркеу, фармацевтикалық нарықтың даму факторлары.

Сонымен бірге денсаулық сақтауды дамытудағы дәрілік заттарды зерттеуге және жасауға, сондай-ақ биотехнологияның халық денсаулығы мен денсаулыққа тигізетін әсеріне ерекше көңіл бөлінді.

Іс-шараның маңыздылығын айта отырып, ҚР ҰҒА-ның корреспондент-мүшесі, медицина ғылымдарының докторы, Қауымдастық президенті Вячеслав Локшин жеке науқастың мүдделері мемлекеттің дәрі-дәрмек саясатының басты мақсаты болуы керек деп атап өтті. Соңғы 5 жыл ішінде отандық өндірушілердің үлесі 5 еседен астамға өсті, бұл ретте медициналық көмек пен медициналық сақтандырудың кепілдендірілген көлемі аясында амбулаториялық-емханалық дәрі-дәрмектерді тегін қолдау бойынша тізімдегі аурулардың саны артты. Осылайша, Қазақстанның фармацевтикалық нарығы қарқынды дамуда және мақсаттары мен құрылымы тұрғысынан ЭЫДҰ елдеріне белсенді жақындап келеді.